السلام علیکم ورحمۃ اللہ وبرکاتہ

مجھے حجاب کے جو احکامات قرآن کریم میں آئے ہیں ان کا علم ہے۔ البتہ ماضی اور حال کے کچھ خدشات اور واقعات کی روشنی میں میری والدہ کو اس سلسلے میں بہت سارے تحفظات ہیں اور وہ ایسے لوگوں کو پسند نہیں کرتیں جو حجاب کرتے ہیں۔ میں جب بھی ان کو یہ بتاتی ہوں کہ میں حجاب کرنا چاہتی ہوں وہ شدید غصہ میں آ جاتی ہیں۔ وہ یہ بھی کہتی ہیں کہ آج کل کے حالات میں ایسا کرنا حفاظتی تدابیر وغیرہ کے بھی خلاف ہیں۔ ایک ڈر ان کو یہ بھی لگتا ہے کہ میرے اسکارف پہن لینے سے مجھے میری فیلڈ میں جاب نہیں مل سکے گی یعنی میڈیکل فیلڈ میں۔ میں ان کو کس طرح اس بات پر آمادہ کروں کہ وہ مجھے سر پر اسکارف پہننے دیں؟ میں جب بھی ان کو سمجھانے لگتی ہوں وہ کہہ دیتی ہیں کہ تم جو چاہو کرو لیکن مجھے یہ اندازہ ہوتا ہے کہ وہ ناراضگی کے ساتھ یہ سب کہہ رہی ہیں۔

ان سب باتوں کا مجھ پر بہت اثر ہوتا ہے کیونکہ ایک مقام پر آ کر میرا ایمان و یقین متزلزل ہونے لگتا ہے اور میں اپنی ہی خواہشات سے ناخوش رہنے لگتی ہوں۔ میں نے ہمیشہ اپنی ماں کی نظروں میں بہتر بننے کی کوشش کی ہے لیکن اس بات کا ذکر کرتے ہی وہ غصے میں آ جاتی ہیں۔

میں ایک شادی شدہ عورت ہوں، میری ساس کا کہنا یہ ہے کہ ہم جہاں رہتے ہیں ہمیں وہاں کے طور طریقوں کے مطابق ڈھل جانا چاہئے۔خاص کر اگر ہم کوئی کام اپنے آپ کو دوسروں کے شر سے محفوظ رکھنے کے لئے کرتے ہیں تو یقینا اللہ پاک بھی اس بات کو سمجھتے ہیں اور ہمیں معاف کر دیں گے۔ انھوں نے مجھے پبلک میں اسکارف پہننے سے روک دیا ہے ۔ میرے شوہر کو بھی اس سلسلے میں کافی تحفظات ہیں لیکن ان کا کہنا یہ ہے کہ وہ میرے ہر فیصلے میں میرا ساتھ دیں گے۔ مجھے اس صورت حال میں کیا کرنا چاہئے۔