السلام علیکم

میری شادی کو ۱۴ سال ہوگئے ہیں اور اس  شادی سے ہمارا ؍10سال کا بیٹا ہے، میرے خاوند نے دوسرے مذہب سے اسلام  قبول کیا تھا، ہماری شادی اسلامی  عدالت میں میرے والد اور بھائی کی موجودگی میں ہوئی تھی ،میرا خاوند صرف جمعہ کی نماز پڑھتا ہے اور کوئی حرام کھانا نہیں کھاتا ہے، میرا اس سے ہمیشہ سے  یہ مسئلہ رہا ہے کہ وہ پانچ وقت نماز نہیں پڑھتا اور اسلام پر ایسا نہیں چلتا جیسا کہ اسے چلنا چاہئے، لیکن میں نے اسے اتنا سنگین نہیں جانا کیونکہ وہ یہ دعویٰ کرتا رہا ہے کہ وہ مسلمان ہے اور  نماز پڑھنے اور مسجد جانے میں سست ہے۔

وہ ہمیشہ سے اپنی دوستوں سے باتیں کرتا رہا ہے جو لڑکیاں  ہیں لیکن اس کے ان سے کوئی جسمانی تعلق نہیں  تھے، جتنا کہ میں جانتی ہوں اور جیسا کہ وہ دعویٰ کرتا ہے  ۔ پچھلے چھ سال سے وہ ایک مطلقہ ،عیسائی، انڈین عورت کے گھرمختلف کام کرتا آرہا ہے اور اس کے، اس کے والدین ،بیٹے اور اندر باہر کے کاموں میں مدد کرتا رہا ہے۔ ان سالوں کے درمیان میں نے اس میں بہت سی تبدیلیاں دیکھی ہیں، میں نے اسے اس عورت سے باتیں اور ٹیکسٹ کرتے ہوئے دیکھا ہے اور وہ اپنے فون پر پاسورڈ لگائے رکھتا ہے کہ میں اس کے ٹیکسٹ نہ پڑھ سکوں ۔ مجھے اس پر شک ہونے لگا کہ اس کا اس عورت سے کام کاج کے علاوہ بھی تعلق ہے۔  مجھے یہ معلوم ہوا  کہ  اس نے اس عورت کو کہا کہ وہ اس کی گرل فرینڈ ہے اور اس نے اسے  بتایا کہ وہ مسلمان مذہب میں یقین نہیں رکھتا ہے۔

لیکن مجھے وہ کہتا ہے کہ وہ ابھی بھی مسلمان ہے، اسے پتہ نہیں ہے کہ میں  نے اس کی اس عورت سے  باتوں کو ریکارڈ کرلیا ہے اور مجھے پتہ ہے کہ اس نے اس عورت کو اپنے مذہب کے بارے میں کیا بتایا ہے، اب میں یہ معلوم کرنا چاہتی ہوں کہ میری شادی باقی ہے یا نہٰیں کیونکہ اس نے یہ بات کسی اور  سے فون پر  کہی ہے مجھ سے نہیں، مجھے اس معاملے میں کچھ سمجھ نہیں آرہا ہے اور مجھے پتہ نہیں ہے  کہ کیا میں اس کے ساتھ رہنے میں حرام کررہی ہوں، میں یہ وضاحت کرنا چاہ رہی ہوں کہ ہماری شادی صرف اسلامی شریعت کے مطابق ہوئی تھی امریکی قانون کے مطابق قانونی کاغذات پر نہیں۔۔۔

میں اس کو اپنے سے دور رکھ رہی ہوں بہت سے عذر بتاکر لیکن یہ زیادہ دیر تک نہیں چل سکے گا اور مجھے اس سے بات کرنی ہوگی، برائے مہربانی میری جلد از جلد رہنمائی کیجئے کیونکہ میرا چین سکون کھوگیا ہے اور مجھے پتہ نہیں ہے کہ میں اس رشتہ کو کیا کہوں۔ جزاکم اللہ خیرا