الجواب بواللہ التوفیق

سورہ فاتحہ اور دیگر سورتوں میں عذر مثلا بھول جانے کی وجہ سے تکرار میں کوئی حرج نہیں ہے،بلاعذر تکرارمکروہ ہے،البتہ اگرسورۂ فاتحہ میں تکرار اتنا ہوکہ اصل قرأت کے علاوہ  اس کی مقدار اکثر سورہ فاتحہ یعنی ابتدائی تین آیات سے زائد ہوجائے تو سجدہ سہو واجب ہوگا،اور اگر اس سے کم ہوتو سجدۂ سہو واجب تو نہیں ہوگا لیکن کراہت ضرور پیداہوگی۔اس لئے فرض نماز میں نہ سورہ فاتحہ میں آیات کا تکرار کرنا چاہیے نہ اور سورتوں میں. اس سے احتیاط کرنی چاہیے

ولو قرأ الفاتحۃ إلا حرفا، أو قرأ أکثرہا، ثم أعادہا ساہیا فہو بمنزلۃ ما لو قرأہا مرتین۔ (عالمگیري، کتاب الصلاۃ، الباب الثاني عشر في سجود السہو، زکریا۱/۱۲۶)

ولوکررہا فی الاولیین یجب علیہ سجودالسہو …اوقرأ اکثرہا ثم اعادہا ساہیا فہوبمنزلۃ مالوقرأہا مرتین کذافی الظہیریۃ ’’ … ( فتاوی الہندیۃ : ۱۲۶/۱ )

واللہ اعلم بالصواب