السلام علیکم 

میں ۲۹ سال کی ہوں اور میرے خاوند سے میری شادی کو تقریباً سات  سال ہوگئے ہیں  لیکن  پوری شادی شدہ زندگی کے دوران میں نے بہت جھیلا ہے کیونکہ میرا خاوند بہت ہی کنجوس آدمی تھا، وہ ہمیشہ مجھ سے  پیسوں پر لڑتا رہا اور چھوٹی چھوٹی باتوں پر مجھے ذلیل کرتا رہا اور مجھے ذہنی اذیت پہنچا تا رہا، ہمارا ایک چار سال کا بچہ ہے، بہت سال ایسے گذار کر میں تنگی آگئی  اور اگسٹ ۲۰۱۸؁ء میں  میں نے یہاں کی عدالت میں طلاق کے لیے دعویٰ دائر کردیا۔

ذہنی اذیت پہنچانے کے ساتھ وہ ایک متواتر جھوٹا ہے اور وہ نہیں چاہتا تھا کہ میں اپنی دانتوں کے ماہر کی پڑھائی  جاری رکھوں حالانکہ وہ شادی سے پہلے اس پر رضا مند ہوا تھا میں نے اس کی امریکہ آنے کی ساری کاروائی کی اور  اس نے میرے رہنے کے اخراجات  بتائے جب میں ایک اور ریاست میں پڑھائی کے سلسلے میں رہ رہی تھی، اس نے مجھ سے مطالبہ کیا کہ میں وہ پیسے واپس کروں ،پھر اس نے کوشش کی کہ مجھے مالی نفقہ سے محتاج کرے اور میرے بیٹے کو، اس نے ہم دونوں کے نام اکاؤنٹ سے سارے پیسے نکال لیے (یہ اسی کے پیسے تھے) اور سارے کریڈٹ کارڈ ختم کردیے، اس سے میں بہت تنگ  آئی کیونکہ میں اپنے والدین کے ساتھ تھی اور میں نہیں چاہتی تھی کہ میں ان پر  مالی بوجھ بنوں اپنے بیٹے کے ساتھ کیونکہ میرے والد کی اس وقت ملازمت  نہیں تھی، تو میں بینک گئی اور انہوں نے اس کے سارے  پیسے نکالنے کے عمل کو کالعدم کیا اور اس میں سے مجھے پر 40%(چالیس فیصد) رقم دی، پھر اس نے مجھ سے جھوٹ بولا اور مجھ سے پھر جھوٹے وعدے کیے (جیسا وہ ہمیشہ کرتا رہا ہے) کہ وہ اپنی عادات کو بدلے گا۔

برائے مہربانی اس بات کو بھی جان رکھیے کہ اس نے اپنی قمیض پہنے بغیر کھینچی ہوئی تصویریں میری چھوٹی بہن کو بھیجیں اور اس کو اپنے ساتھ میل ملاپ کی دعوت دی، میں ان دنوں وہاں نہیں تھی، میری بہن نے مجھے اس کے بارے میں بتایا جس سے میرا اس پر بھروسہ ٹوٹ گیا،اب جب میں نے عدالت میں طلاق کے لیے مقدمہ دائر کیا ہے تو وہ سارا مہر (۷۰ گرام، ۲۲ خراط والا سونا) اور اپنے سارے پیسے واپس مانگ رہا ہے، میں نے وہ پیسے اپنے کھانے پینے، کپڑوں ،اور رہائش کے لیے اگسٹ ۲۰۱۸؁ء سے استعمال کئے ہیں کیونکہ اس نے مجھے اپنے گھر میں داخل ہونے سے انکار کردیا تھا، اور اس نے دروازوں کے تالے بدل دیے تھے، اس نے ہمارے بیٹے کو بھی اپنے پاس رکھ لیا ہے، اب میں شکاگو میں ہوں اور وہ نیوجرسی میں ہے، میں نے اسے کہا کہ کیونکہ اس نے مجھے خلع نہیں دی ہے اس لئے جو پیسے میں نے اپنے کھانے پینے، کپڑوں، اور رہائش پر خرچ کیے ہیں اس کے ان پیسوں میں سے جو میرے پاس ہیں، وہ میرے لیے حلال ہیں اور جب وہ مجھے طلاق دےدے گا وہ اس وقت بقایا واپس لے سکتا ہے ؛حالانکہ ہمارا ایک  بیٹا ہے لیکن وہ پھر بھی مہر واپس مانگ رہا ہے۔

سوال :کیا اس کا مہر مانگنا صحیح ہے جب کہ وہ نہ تو متقی ہے اور نہ ہی وہ میرے ساتھ ایک اچھا خاوند تھا، برائے مہربانی میری رہنمائی کیجئے کیونکہ وہ ذہنی اذیت جاری رکھے ہوئے  ہے کہ میں حرام پیسوں سے کھا رہی ہوں، اگر میں اسے اس وقت بچے ہوئے پیسے واپس کردیتی ہوں تو وہ مجھے کسی بھی خرچ کے لیے پیسے نہیں دے گا اور نہ ہی مجھے طلاق  دےگا، اسی لیے میں مجبور ہوگئی کہ بینک جاکر وہاں سے خود سے پیسے نکلواؤں کیونکہ اسلامی طور پر میں اب بھی اس کی بیوی ہوں اور اپنے والدین پر مالی بوجھ نہیں بننا چاہ رہی ہوں۔

اب میں دانتوں کی پڑھائی کرنے کے لیے شکاگو میں رہنے لگی ہوں تاکہ بعد میں ملازمت کرکے اپنے اخراجات اٹھا سکوں، برائے مہربانی میری رہنمائی کیجئے کیونکہ میں ان پیسوں کو خرچ کرنے کے بارے میں صحیح بات سامنے لانا  چاہتی ہوں۔

اس کے علاوہ مجھے بتائیے کہ جب وہ عدالت کی دی ہوئی طلاق کے  کاغذات پر دستخط کردے گا تو کیا یہ اسلامی طور پر بھی طلاق صحیح ہوگی؟