السلام علیکم ورحمۃ اللہ

میں ایک ۱۸ سالہ ہوں، میرے دو چھوٹے بہن بھائی ہیں۔ پچھلے ایک سال سے ہمارے والد صاحب ہم سب کو گھر سے باہر نکالنے کی دھمکیاں دیتے رہتے ہیں۔ اور بلا وجہ مجھ پر اور میری ماں پر زناکاری جیسے گھناؤنے الزامات لگاتے جا رہے ہیں، جبکہ ہمارا ایسے کاموں سے کوئی تعلق نہیں۔ ہم نے ان کے بھائیوں کو بتایا تو وہ ان کو ایک ڈاکٹر کے پاس لے گئے، اب وہ دوا لیتے ہیں۔ لیکن یہ بات ظاہر ہے کہ سب انہی کی طرف ہیں ، اور چونکہ اتنے لمبے عرصے تک دوسرے لوگ ان کے دھوکے میں رہے، اور ہم لوگوں نے بھی ان کی اصلیت چھپا کر رکھی، اب ہماری بات پر کوئی یقین نہیں کرتا۔ مجھے ایسا لگتا ہے کہ ایک دن مجھے اپنی ماں اور اپنے چھوٹے بہن بھائیوں کو لے کر اس گھر سے نکل جانا پڑے گا، لیکن جب تک ہم اس گھر میں ہیں میں اپنی ماں اور بہن بھائیوں کی مدد کرنے کے لئے کیا کروں؟ ہم لوگ اکیلے ہیں اور خوف محسوس کرتے ہیں۔